In Éirinn, tá córas colscartha 'gan locht' i bhfeidhm. Ciallaíonn sé sin nach ndéanann breitheamh an chúis ar tháinig deireadh leis an bpósadh a bhreithniú ná ní chuireann sé/sí aon cheist faoin gcúis. Agus cinneadh á dhéanamh ag breitheamh maidir le d'iarratas ar cholscaradh a dheonú, ní mór duit gach ceann de na trí cinn seo a leanas a chruthú don bhreitheamh sin:
- Ní chónaíonn sibh le chéile
- Ní mór nach bhfuil tú féin agus do chéile ag cónaí le chéile ar feadh dhá bhliain ar a laghad as na trí bliana roimhe sin.
- Is féidir leat féin agus do chéile cónaí ar leithligh óna chéile sa teach céanna. Ciallaíonn sé sin nach féidir libh a bheith i ndlúthchaidreamh tiomanta agus sibh in bhur gcónaí le chéile. Ní thagann deireadh le dlúithe i gcaidreamh díreach toisc nach bhfuil caidreamh gnéis ann a thuilleadh.
- Tá cónaí ort in Éirinn
- Ní mór duitse nó do chéile a bheith in bhur gcónaí go buan in Éirinn, nó
- Bhí ceachtar agaibh in bhur gcónaí in Éirinn ar feadh bliana ar a laghad sula ndearna tú iarratas ar cholscaradh.
- Níl aon seans réasúnach ann go dtiocfaidh tú ar ais le chéile le do chéile.
Iarrfar ort fianaise faoi mhionn a chur ar fáil do bhreitheamh chun a dheimhniú gur cur síos fíor cruinn é seo ar do chúinsí.
An féidir liom colscaradh a fháil?
Seiceáil an féidir leat iarratas a dhéanamh
Más mian leat a sheiceáil an bhfuil tú incháilithe chun iarratas a dhéanamh ar cholscaradh, is féidir leat ár n-uirlis thapa 'Seiceálaí Incháilitheachta' a úsáid thíos
Seiceáil an féidir leat iarratas a dhéanamh ar cholscaradh
Trí shraith ceisteanna simplí a fhreagairt, beidh tú in ann a sheiceáil an bhfuil tú incháilithe chun iarratas a dhéanamh ar cholscaradh. Tá na torthaí bunaithe ar do chuid freagraí, ach is féidir le cásanna a bheith casta agus b'fhéidir gur mhaith leat comhairle dlí a fháil chun tuiscint níos fearr a fháil ar do chuid roghanna
Níl aon sonraí á dtaifeadadh ná á seoladh le linn an phróisis.