An Chúirt Uachtarach

Próiseas Ceapacháin

Ceapann an Príomh-Bhreitheamh Nótairí Poiblí agus é ina shuí i gcúirt oscailte. Déantar iarratais trí achainí ina dtaispeántar áit chónaithe agus áitiú an achainígh, agus a oiriúnacht le bheith ceaptha mar nótaire poiblí. Ba chóir go mbeadh ráiteas san achainí go bhfuair an t-achainíoch deimhniú ó Dhámh na Nótairí Poiblí in Éirinn i gcomhréir le forálacha Ordú 127 de Rialacha na nUaschúirteanna.

Ní mór an achainí a fhíorú le mionnscríbhinn an achainígh. Ba cheart deimhniú nó deimhnithe oiriúnachta arna síniú go ginearálta ag seisear ball de ghairm an dlí agus ag seisear ceannairí ón bpobal gnó áitiúil a thaispeáint sa mhionnscríbhinn.

Tugtar an achainí os comhair an Phríomh-Bhreithimh trí fhógra tairisceana nach mór a sheirbheáil trí Oifig na Cúirte Uachtaraí ar:

• Chláraitheoir Dhámh na Nótairí Poiblí in Éirinn
• Rúnaí an Dlí-Chumann

Féadfaidh abhcóide nó aturnae an achainí a thairiscint thar ceann an achainígh nó féadfaidh an t-achainíoch é féin a thairiscint.

Is é an cleachtas ginearálta ná aturnaetha a cheapadh mar nótairí poiblí amháin. Nuair a dhéanann duine nach aturnae iad iarratas, ní mór dóibh gealltanas a thabhairt don Phríomh-Bhreitheamh gan gabháil do thíolacadh nó d’obair dhlíthiúil a dhéanann aturnae go cuí.

Taillí

1. Achainí €85.00
2. Mionnscríbhinn €20.00
3. Fógra Foriarratais €60.00
4. Ar Fhógra Foriarratais a Thaisceadh €6.50
5. Gach cóip a sheirbheáil €1.00
6. Ar coimisiún (más é go bhfuil an t-iarratas rathúil) €330.00

Foirmeacha agus tuilleadh eolais

Nóta eolais:

• Information on applying to become a notary public

Foirmeacha:

• Petition seeking to be appointed a notary public
• Notion of motion seeking to be appointed a notary public
• Affidavit seeking to be appointed a notary public
• Certificate of residents for a person seeking to be appointed a notary public
• Certificate of members of the legal profession for a person seeking to be appointed a notary public