Cad is comhaontú idirscartha ann?
Más lánúin phósta nó páirtithe sibhialta sibh agus má tá cinneadh déanta agaibh gan cónaí in aontíos, is féidir libh téarmaí a chomhaontú maidir le conas a dhéanfaidh sibh é sin.
Síníonn an dá pháirtí an doiciméad ina leagtar amach an comhaontú sin agus tugtar Gníomhas Idirscartha air.
Is comhaontú é atá ceangailteach ó thaobh dlí. Is féidir leis na céilí nó na páirtithe idirbheartaíocht a dhéanamh ar théarmaí an doiciméid iad féin, nó is féidir an idirbheartaíocht sin a dhéanamh in eadráin nó le cabhair ó aturnaetha. Ní ordú cúirte é Gníomhas Idirscartha agus ní cheadaítear do cheachtar páirtí athphósadh leis.
Tuilleadh eolais maidir le cabhair a fháil chun teacht ar chomhaontú >
Rudaí le smaoineamh orthu agus sibh ag scaradh
Agus cinneadh á dhéanamh agat nó má aontaíonn tú scaradh ó do chéile nó ó do pháirtí, b'fhéidir go mbeidh ort smaoineamh ar chomhaontú a bhaint amach maidir le roinnt rudaí. Seo a leanas cuid de na rudaí is coitianta a dtagann daoine ar chomhaontú fúthu:
- Socruithe do leanaí
- Cothabháil
- Teach an teaghlaigh
- Airgead, sócmhainní agus pinsin
B'fhéidir gur mhaith leat comhairle dlí a fháil chun tuiscint níos fearr a fháil ar a bhfuil i gceist leis na saincheisteanna sin.