Cad is caomhnóireacht ann?
Is éard is caomhnóireacht ann ná freagracht dhlíthiúil duine chun dualgais a chomhlíonadh maidir le tógáil agus leas linbh. Áirítear léi freisin an ceart cinntí a dhéanamh faoi réimsí móra i saol an linbh.
Mar shampla, tá dualgas ar chaomhnóirí aire cheart a thabhairt do leanbh. Tá cearta acu freisin a bhféadfadh cinntí maidir leis na nithe seo a leanas a bheith san áireamh iontu:
- toiliú le cóir leighis
- cén scoil a bhfreastalaíonn an leanbh uirthi
- iarratais ar phas agus an leanbh a thógáil amach as an tír
- tógáil creidimh an linbh
Tagann deireadh le caomhnóireacht nuair a shroicheann leanbh 18 mbliana d'aois mura bhfaigheann caomhnóir bás nó mura mbaintear as mar chaomhnóir é/í roimhe sin.
Níor chóir caomhnóireacht a mheascadh le coimeád a bhaineann le cúram laethúil linbh. Níor cheart é a mheascadh le rochtain ach an oiread, arb é an ceart dlíthiúil atá ag leanbh agus duine fásta teagmháil a bheith acu lena chéile nuair nach gcónaíonn siad le chéile.