Conas iarratas a dhéanamh chun riaráistí cothabhála a aisghabháil sa Chúirt Dúiche
Tugtar breac-chuntas sna céimeanna seo a leanas ar conas iarratas a dhéanamh ar riaráistí cothabhála a aisghabháil sa Chúirt Dúiche. Is é sin an áit a ndearnadh an t-ordú cothabhála bunaidh sa Chúirt Dúiche.
Má rinneadh d'ordú cothabhála bunaidh sa Chúirt Chuarda nó san Ard-Chúirt, b'fhéidir gur mhaith leat comhairle dlí a fháil maidir le conas riaráistí cothabhála a aisghabháil.
Ní ghearrann an tSeirbhís Chúirteanna táille as iarratais Dlí Teaghlaigh a dhéanamh. Ba cheart duit táillí a phlé le d'aturnae, le d'ionadaí dlíthiúil nó le d'idirghabhálaí, má roghnaíonn tú a gcuid seirbhísí a úsáid.
Níl san eolas thíos ach treoir. Seiceáil reachtaíocht agus rialacha cúirte i gcónaí lena chinntiú go bhfuil d'iarratas ceart. B'fhéidir gur mhaith leat comhairle dlí a fháil chun tuiscint níos fearr a fháil ar a bhfuil i gceist.
Ba cheart duit iarratas a dhéanamh chuig an oifig ina ndearnadh an t-ordú cothabhála tosaigh, ach is féidir leat iarratas a dhéanamh chuig an gCúirt Dúiche sa cheantar ina gcónaíonn nó ina n-oibríonn tú féin nó an freagróir. Má tá cónaí ar cheachtar agaibh nó má oibríonn ceachtar agaibh i mBaile Átha Cliath, d'fhéadfadh gurb í Oifig Dlí Teaghlaigh Chúirt Dúiche Bhaile Átha Cliath d'oifig áitiúil, ar a dtugtar Teach an Charnáin freisin. Is eisceacht air sin é má tá cónaí ort nó má oibríonn tú i gceantar atá clúdaithe ag Oifig Cúirte Dúiche Shoird agus Bhaile Brigín. Sa chás sin, d'fhéadfadh gurb í Oifig Cúirte Dúiche Shoird agus Bhaile Brigín d'oifig áitiúil.
Ní hionann an próiseas iarratais dóibh siúd atá ag déanamh iarratais i dTeach an Charnáin agus an próiseas don chuid eile den tír. Roghnaigh "Conas Iarratas a Dhéanamh (Teach an Charnáin)" don phróiseas sonrach maidir le Teach an Charnáin.
Aimsigh do Cheantar Cúirte Dúiche áitiúil>
Aimsigh Oifig na Seirbhíse Cúirteanna is áitiúla duit anseo >
Smaoinigh ar eadráin agus ar chomhairle dlí
Sula ndéanann tú iarratas ar riaráistí cothabhála a aisghabháil, beidh ort cinneadh a dhéanamh maidir le comhairle ghairmiúil dlí a fháil nó ionadaíocht a dhéanamh duit féin. Ba cheart duit smaoineamh freisin ar fhreastal ar eadráin.
An toghairm agus an t-iarratas i scríbhinn a chomhlánú agus a chur isteach
Chun iarratas a dhéanamh chun riaráistí cothabhála a aisghabháil, beidh ort iarratas a dhéanamh i scríbhinn agus a iarraidh ar Chléireach Cúirte Dúiche Toghairm a eisiúint chun go bhFreastalóidh Féichiúnaí Cothabhála.
Seirbheáil an toghairm agus soláthair cruthúnas ar sheirbheáil
Ní mór duit an Toghairm chun go bhFreastalóidh Féichiúnaí Cothabhála a sheoladh chuig an bhféichiúnaí cothabhála. Tugtar seirbheáil ar an bpróiseas sin. Beidh ort cruthúnas ar sheirbheáil a chur ar fáil don chúirt freisin. Déantar é sin trí Dhearbhú Reachtúil i dTaobh Seirbheála a chomhlánú.
Cuir doiciméid ar ais chuig oifig na cúirte
Ní mór duit an toghairm bhunaidh agus an Dearbhú Reachtúil i dTaobh Seirbheála a chomhdú in oifig na cúirte. Má tá na doiciméid in ord, liostófar an toghairm don chúirt agus deimhneofar an éisteacht chúirte.
Freastail ar éisteacht chúirte
Ba chóir duit féin agus don fhéichiúnaí cothabhála freastal ar an gcúirt chun go n-éistfidh breitheamh an cás. Éistfidh an breitheamh fianaise ón mbeirt agaibh agus déanfaidh sé/sí cinneadh. Tugtar ordú cúirte ar chinneadh an bhreithimh.
Faigh ordú cúirte
Tar éis na héisteachta cúirte, gheobhaidh tú féin agus an féichiúnaí cothabhála cóip den ordú cúirte a luaithe a bheidh sé réidh.
Smaoinigh ar eadráin agus ar chomhairle dlí
Sula ndéanann tú iarratas ar riaráistí cothabhála a aisghabháil, beidh ort cinneadh a dhéanamh maidir le comhairle ghairmiúil dlí a fháil nó ionadaíocht a dhéanamh duit féin. Ba cheart duit smaoineamh freisin ar fhreastal ar eadráin.
Cuir coinne in áirithe i dTeach an Charnáin
Má tá cónaí ar cheachtar agaibh nó má oibríonn ceachtar agaibh i mBaile Átha Cliath, d'fhéadfadh gurb í d'oifig áitiúil Oifig Dlí Teaghlaigh Chúirt Dúiche Bhaile Átha Cliath, ar a dtugtar Teach an Charnáin freisin. Beidh ort coinne a chur in áirithe ar líne ar dtús sula bhfreastalaíonn tú ar oifig na cúirte.
Freastail ar choinne i dTeach an Charnáin
Ba chóir duit Teach an Charnáin a shroicheadh in am go leor le haghaidh do choinne ar an dáta a roghnaíodh nuair a cuireadh in áirithe é
Freastail ar éisteacht chúirte
Is ordú é an toghairm don fhéichiúnaí cothabhála freastal ar an gcúirt ar an dáta atá luaite sa toghairm.
Faigh ordú cúirte
Tar éis na héisteachta cúirte, gheobhaidh tú féin agus an féichiúnaí cothabhála cóip den ordú cúirte a luaithe a bheidh sé réidh.