Tacaíocht Dlí & Réitigh
D'fhéadfadh an Bord um Chúnamh Dlíthiúil a bheith in ann comhairle dlí agus ionadaíocht dlí a chur ar fáil duit sa chúirt. Is féidir leat sonraí a fháil maidir le conas teagmháil a dhéanamh le d'ionad dlí áitiúil ar a láithreán gréasáin.
Is seirbhís rúnda saor in aisce é Ionad Comhairle Dlí Saor in Aisce (FLAC) a chuireann comhairle dlí ar fáil.
Seirbhís Idirghabhála Teaghlaigh - An Bord um Chúnamh Dlíthiúil
Cuireann an Bord um Chúnamh Dlíthiúil Seirbhís Idirghabhála Teaghlaigh rúnda saor in aisce ar fáil.
Is é an Cumann Dlí an comhlacht oideachais, ionadaíoch agus rialála i dtaobh ghairm na n-aturnaetha in Éirinn. Cuireann sé treoracha ar fáil don phobal maidir le raon saincheisteanna dlí agus liosta de na haturnaetha go léir atá ag cleachtadh a ngairme in Éirinn.
Tacaíocht um Fhoréigean Baile
Cuireann Cúnamh d'Fhir in Éirinn líne chabhrach rúnda, seirbhís tacaíochta agus eolas ar fáil d'fhir, agus dá dteaghlaigh, a fhulaingíonn foréigean baile.
Feidhmíonn Men's Development Network an Líne Náisiúnta Comhairle d'Fhir a fhulaingíonn, nó a d'fhulaing, foréigean baile.
Tá eolas agus sonraí teagmhála cothrom le dáta ag Slán Sábháilte in Éirinn le haghaidh seirbhísí tacaíochta áitiúla um fhoréigean baile agus seirbhísí tacaíochtaí do thearmainn in Éirinn.
Cuireann Cúnamh do Mhná tacaíocht saor in aisce agus faoi rún ar fáil do mhná a fhulaingíonn foréigean baile, do theaghlaigh agus do chairde, agus do dhaoine gairmiúla a thugann tacaíochtaí d'íospartaigh na mí-úsáide.
Tacaíocht do Theaghlaigh agus do Thuismitheoirí
Oibríonn Barnardos ar son agus le leanaí leochaileacha in Éirinn. Cuireann siad réimse acmhainní ar fáil chun cabhrú le daoine óga, le tuismitheoirí, le cúramóirí agus le haon duine a bhíonn ag obair le leanaí.
Cuireann One Family tacaíocht éisteachta agus eolas ar fáil do dhaoine ar tuismitheoirí aonair iad, do dhaoine a bhíonn ag roinnt tuismitheoireachta agus iad siúd atá ag scaradh óna chéile.
Tacaíonn Rainbows Ireland le leanaí a bhfuil deacrachtaí acu déileáil le fadhbanna méala agus le scaradh tuismitheoirí.
Is í Treoir an tSeirbhís Náisiúnta Sainfhaisnéise do thuismitheoirí neamhphósta agus dá bpáistí.
Is í an Ghníomhaireacht um Leanaí agus an Teaghlach an ghníomhaireacht Stáit tiomnaithe anois atá freagrach as folláine leanaí agus as a dtodhchaí a fheabhsú.
Tacaíochtaí LADT
Líonra na hÉireann um Chomhionannas Trasinscne
Tá sé mar aidhm ag Líonra na hÉireann um Chomhionannas Trasinscne (TENI) dálaí a fheabhsú agus cearta agus comhionannas daoine trasinscneacha agus a dteaghlaigh a chur chun cinn.
Belong To LGBTQ+ Youth Ireland
Is eagraíocht tacaíochta náisiúnta é Belong To LGBTQ+ Youth Ireland do dhaoine óga LADTA+, idir 14 agus 23 bliain d'aois. Cuireann sé comhairle ar fáil freisin do thuismitheoirí agus do chúramóirí.
Cuireann LADT Éireann tacaíocht agus oiliúint ar fáil ar fud na hÉireann. Chomh maith le piarghrúpaí agus línte cabhrach áitiúla a reáchtáil cuireann a láithreán gréasáin réimse eolais ar fáil do gach aoisghrúpa.
Tacaíocht eile
Cuireann an láithreán gréasáin um fhaisnéis do shaoránaigh eolas cuimsitheach ar fáil faoi sheirbhísí poiblí agus ar theidlíochtaí saoránach in Éirinn.
Is seirbhís saor in aisce agus faoi rún í an tSeirbhís Buiséadaithe agus Comhairle Airgid (SBCA) do dhaoine a bhfuil fadhbanna acu le bainistíocht airgid agus le fiachas.
Seirbhís Náisiúnta Abhcóideachta
Cuireann an tSeirbhís Abhcóideachta Náisiúnta seirbhís abhcóideachta ionadaíoch rúnda, saor in aisce agus neamhspleách ar fáil do dhaoine fásta faoi mhíchumas ar fud na hÉireann.