Céim 3
Íoslódáil agus comhlánaigh an páipéarachas
Sula roghnaíonn tú an fhoirm iarratais/na foirmeacha iarratais, ba cheart duit ár n-eolas maidir le hincháilitheacht a léamh go cúramach.
Tuilleadh eolais maidir le hincháilitheacht Caomhnóireachta >
Tuilleadh eolais maidir le hincháilitheacht Coimeádta>
Tuilleadh eolais maidir le hincháilitheacht Rochtana>
Íoslódáil an fhoirm/na foirmeacha iarratais ábhartha le haghaidh do shaincheist Dlí Teaghlaigh ar leith. Tá na foirmeacha liostaithe thíos. Mura féidir leat foirm a íoslódáil, is féidir leat í a iarraidh ó d'oifig Chúirte áitiúil.
Comhlánaigh na foirmeacha iarratais cuí. Déan cinnte go bhfuil an t-eolas ar fad comhlánaithe ach ná cuir isteach dáta agus am cúirte ar an bhfoirm iarratais. Ní mór duit féin nó do d'ionadaí dlíthiúil teagmháil a dhéanamh le hoifig na Seirbhíse Cúirteanna nó cuairt a thabhairt uirthi. Is féidir é sin a dhéanamh ar an bhfón, tríd an bpost nó trí fhreastal ar oifig na cúirte. Déanfaidh an tSeirbhís Chúirteanna dáta éisteachta a shannadh do do chás.
Ag brath ar an gcineál iarratais atá á dhéanamh agat, b'fhéidir go mbeidh ort foirm um Ráiteas Socruithe a chomhlánú. Léigh na treoracha ar an bhfoirm go cúramach agus líon isteach na rannáin ábhartha. Ní mór duit dhá chóip de d'fhoirm chomhlánaithe um Ráiteas Socruithe a chur le d'fhoirm iarratais. Ní mór an fhoirm um Ráiteas Socruithe a sheirbheáil ansin ar an bhfreagróir/na freagróirí mar aon leis an bhfoirm iarratais.
- Foirmeacha le haghaidh caomhnóireachta
- Foirmeacha le haghaidh coimeádta agus rochtana
- Foirmeacha le haghaidh saincheisteanna pas
Foirmeacha Iarratais ar Chaomhnóireacht
| Cás | Foirmeacha | Seirbheáil ar |
|---|---|---|
| Iarratas mar thuismitheoir ach ní mar chaomhnóir. | 58.1 & 58.49 | Tuismitheoir eile agus aon chaomhnóir eile |
| Iarratas mar dhuine fásta atá pósta le nó atá i bpáirtnéireacht shibhialta le tuismitheoir linbh, nó mar chomhchónaitheoir thuismitheoir an linbh. | 58.30 & 58.49 | Gach tuismitheoir agus aon chaomhnóir eile |
| Iarratas mar dhuine fásta a chuir cúram laethúil an linbh ar fáil. | 58.30 & 58.49 | Gach tuismitheoir agus aon chaomhnóir eile agus GLT* |
| Iarratas ar dhearbhú maidir le cibé an caomhnóir nó nach caomhnóir duine. | 58.37 & 58.49 | Gach Caomhnóir |
| Iarratas chun caomhnóir a bhaint agus duine eile a cheapadh (más infheidhme). | 58.11 & 58.49 | Gach Caomhnóir |
| Iarratas chun caomhnóir a cheapadh in ionad caomhnóir a fuair bás. | 58.12 & 58.49 | Gach caomhnóir nó ex-parte |
| Iarratas chun caomhnóir a cheapadh i gcás nach bhfuil aon chaomhnóir ann. | 58.7 & 58.49 | Ex-Parte |
| Iarratas ar chaomhnóireacht ag tuismitheoir marthanach. | 58.9 & 58.49 | Ex-Parte/tuismitheoir eile |
| Iarratas ar chaomhnóireacht shealadach i gcás go mbíonn an caomhnóir cáilitheach éagumasach. | 58.32 & 58.33 & 58.49 | Caomhnóir, ainmní, tuismitheoir linbh, GLT* |
| Iarratas chun caomhnóir sealadach a bhaint. | 58.35 & 58.49 | Caomhnóir, tuismitheoir (mura caomhnóir é/í), GLT* |
| Iarratas chun caomhnóir a bhaint. | 58.39 & 58.49 | Gach caomhnóir |
| Iarratas ó chaomhnóir marthanach/caomhnóir tiomnachta – Alt 7(4). | 58.3 & 58.49 | Caomhnóir marthanach agus aon chaomhnóir tiomnachta |
Is í GLT an Ghníomhaireacht um Leanaí agus an Teaghlach (Tusla)
Coimeád agus Rochtain
| Cás | Foirmeacha | Seirbheáil ar |
|---|---|---|
| Iarratas mar thuismitheoir nó mar chaomhnóir ar choimeád agus/nó ar rochtain, nó ar threoracha maidir le hábhair eile a dhéanann difear do leas an linbh. | 58.17** & 58.49 | Gach tuismitheoir nó caomhnóir |
| Iarratas ar choimeád mar ghaol don leanbh. | 58.41 & 58.49 | Gach caomhnóir |
| Iarratas ar choimeád mar dhuine fásta atá pósta le nó i bpáirtnéireacht shibhialta le tuismitheoir an linbh, nó mar chomhchónaitheoir thuismitheoir an linbh. | 58.41 & 58.49 | Gach caomhnóir |
| Iarratas ar choimeád mar dhuine fásta a chuir cúram laethúil an linbh ar fáil. | 58.41 & 58.49 | Gach caomhnóir |
| Iarratas ar rochtain mar ghaol, nó mar dhuine a ghníomhaigh in áit tuismitheora. | 8.19 & 58.49 | Gach caomhnóir |
| Iarratas chun ordú atá i bhfeidhm faoi láthair a athrú nó a urscaoileadh. | 58.21 | Gach caomhnóir |
| Iarratas chun leanbh/leanaí a thabhairt ar aird don Chúirt. | 58.23 | Duine a bhfuil coimeád an linbh aige/aici |
| Iarratas ar ordú forghníomhaithe mar gheall ar shárú coimeádta rochtana. | 58.43 | Gach caomhnóir agus tuismitheoir |
| Iarratas chun deireadh a chur le hordú forghníomhaithe nó é a athrú. | 58.45 | Gach duine ar a ndearnadh an t-iarratas ar an ordú forghníomhaithe |
| Iarratas ar aisíocaíocht costas ón bpáirtí eile a mhainníonn coimeád/rochtain a fheidhmiú. | 58.47 | Caomhnóir Freagróra nó tuismitheoir |
** Má tá cothabháil á hiarraidh agat mar chuid den iarratas seo, féadfaidh an breitheamh eolas a iarraidh sa chúirt faoi na nithe seo a leanas maidir leat:
- Ioncam amhail ioncam ó fhostaíocht, sochair leasa shóisialaigh, nó foinsí eile.
- Sócmhainní amhail eolas agus luachálacha ar thalamh, ar mhaoin, ar fheithiclí, nó ar shócmhainní eile.
- Caiteachas amhail billí tí, aisíocaíochtaí iasachta, nó costais eile atá agat.
- Tacaíochtaí do dhaoine eile amhail íocaíochtaí cothabhála do leanaí cleithiúnacha eile.
Foirmeacha le haghaidh saincheisteanna pas
| Cás | Foirmeacha | Seirbheáil ar |
|---|---|---|
| Iarratas chun toiliú an chaomhnóra eile maidir le pas linbh a eisiúint a ligean thar ceal | 58.17 & 58.49 | Gach tuismitheoir nó caomhnóir/Ex-Parte*** |
| Iarratas ar ordú rochtana ar phas linbh | 58.17 & 58.49 | Gach tuismitheoir nó caomhnóir |
***Mura bhfuil a fhios agat cá bhfuil an tuismitheoir nó an caomhnóir eile, is féidir leat an t-iarratas seo a dhéanamh gan é/í a sheirbheáil. Tugtar iarratas 'ex-parte' air sin.
Má tá iarratas á dhéanamh agat chun toiliú an chaomhnóra eile maidir le pas linbh a eisiúint a ligean thar ceal, d'fhéadfadh sé go n-iarrfaí ort roinnt doiciméad tacaíochta a chur ar fáil don chúirt, amhail:
- An pas a bhí ag an leanbh roimhe seo (más infheidhme)
- Teastas breithe an linbh
- Cruthúnas ar aon iarrachtaí chun an caomhnóir eile a aimsiú
- Cruthúnas ar aon iarratais lena n-iarradh ar an gcaomhnóir eile an fhoirm iarratais a shíniú
- Cruthúnas ar shonraí taistil má tá an pas ag teastáil go práinneach